Nikolai Astrup – grafikk og trykkplater

på  ASTRUPTUNET I JØLSTER 

i perioden 19 mai til 23. september 2007.

Nikolai Astrup var ein eksperimentell nyskapar innanfor grafiske teknikkar som tresnitt og linoleumsnitt. Astruptunet tek vare på ei nærast komplett samling av Nikolai Astrup sine trykkplater. No får publikum høve til å gjere seg betre kjent med denne unike samlinga. Trykkplatene vert utstilt i dialog med dei ferdige kunstverka.

Utstillinga syner korleis Nikolai Astrup arbeidde og utvikla seg som grafikar. På den eine sida vert trykkplatene sett på som eit pedagogisk grunnlagsmateriale, som illustrerar utarbeidinga av sjølve motivet og trykkeprosessen fram til det ferdige trykket. Det er det grafiske bladet som er det eigentlege kunstverket. På den andre sida vert einskilde trykkplater eksponert som kunstverk i seg sjølv, der vi tolkar dei som meir som dekorative tredimensjonale skulpturar, eller relieff, enn som grunnlag for todimensjonale grafiske blad

Det vesle utstillingslokalet på Astruptunet er modernisert, mellom anna med nytt og moderne lysutstyr, slik at galleriet no verkar meir ope og meir eigna for slike mindre utstillingar. Utstillinga dannar grunnlag for ei ny permanent presentasjon av Nikolai Astrup som grafikar. Ansvarleg for utstillingskonseptet er direktør Morten Johan Svendsen i samarbeid med konservator Ingrid Norum og avdelingsleiar Solveig Berg Lofnes. Ansvarleg for utstillingsdesign er Piotr Zamecznik.